U Rasii admaŭlajuć, što zapuskali drony pa Polščy
Ministerstva abarony Rasii ŭpieršyniu adreahavała na abvinavačańni Polščy i jaje sajuźnikaŭ u tym, što padčas masiravanaj ataki na Ukrainu rasijskija bieśpiłotniki parušyli pavietranuju prastoru Polščy.
Dron. Fota: AP Photo / Evgeniy Maloletka
U aficyjnaj zajavie rasijskaha viedamstva padkreślivajecca, što nijakich celaŭ dla paražeńnia na terytoryi Polščy, maŭlaŭ, nie płanavałasia. Taksama adznačajecca, što dalnaść palotu tych dronaŭ, jakija vykarystoŭvalisia padčas udaru, nie pieravyšaje 700 kiłamietraŭ, i tamu ich pierasiačeńnie miažy z Polščaj vyhladaje małavierahodnym.
Razam z tym, u Maskvie vykazali hatoŭnaść abmierkavać hety incydent z polskim Ministerstvam abarony, kab unieści jasnaść u situacyju.
Raniej Kreml admaŭlaŭsia davać kamientaryi adnosna paviedamleńniaŭ pra praniknieńnie bieśpiłotnikaŭ u polskuju pavietranuju prastoru.
Ź inšaha boku, kiraŭnik polskaha ŭrada Donald Tusk paviedamiŭ, što try abo čatyry rasijskija bieśpiłotniki, jakija ŭjaŭlali realnuju pahrozu, byli źbityja. Jon padkreśliŭ, što heta pieršy vypadak, kali rasijskija drony byli źniščanyja nie tolki nad terytoryjaj Polščy, ale i ŭvohule nad terytoryjaj krain — členaŭ NATA.
Čytajcie taksama:
Tusk: Značnaja častka rasijskich dronaŭ prylacieła ŭ Polšču ź Biełarusi
U Polšču zalacieli bolš za dva dziasiatki rasijskich dronaŭ, a nie 10