MZS Rasii zapatrabavaŭ ad Polščy adčynić miažu ź Biełaruśsiu
Maskva abvinavaciła Varšavu ŭ eskałacyi na fonie vučeńniaŭ «Zachad‑2025». Polšča ŭ adkaz uzmacniła vajennuju prysutnaść i zaručycca padtrymkaj sajuźnikaŭ pa NATO, piša LRT.
Ministerstva zamiežnych spraŭ Rasii ŭ čaćvier, 11 vieraśnia, patrabavaŭ ad Polščy, jakaja ŭ suviazi z rasijska‑biełaruskimi vajskovymi vučeńniami «Zachad‑2025» z paŭnočy 12 vieraśnia začyniła ŭsie punkty propusku na miažy ź Biełaruśsiu, «zadumacca pra nastupstvy i pierahledzieć rašeńnie».
Hetyja abmiežavańni «pryčyniać škodu mižnarodnym partnioram Polščy» i «ŭdaryć pa biznesie samoj respubliki», zajaviła aficyjny pradstaŭnik MZS RF Maryja Zacharava. Pa jaje śćviardžeńni, Varšava «ihnaravała žest dobraj voli» Maskvy i Mienska, jakija pieranieśli častku manieŭraŭ dalej ad miažy i skaracili kolkaść vojskaŭ i techniki. U rasijskim MZS ličać, što zakryćcio miažy śviedčyć ab «kursie Polščy na eskałacyju napružanaści ŭ Jeŭropie».