Tramp upieršyniu nazvaŭ Rasiju ahresaram

Prezident ZŠA Donald Tramp upieršyniu adkryta nazvaŭ Rasiju ahresaram u vajnie suprać Ukrainy, zaŭvažyła vydańnie Politico. Raniej jon paźbiahaŭ takoha aznačeńnia i navat adchilaŭ mižnarodnyja zajavy, jakija asudžali Maskvu.

Donald Tramp. Fota: Joe Raedle / Getty Images

U niadzielu Tramp paviedamiŭ žurnalistam pra vialikija straty z abodvuch bakoŭ:

«Na hetym tydni zahinuła 8 tysiač sałdat z abiedźviuch krain. Bolš z boku Rasii. Ale kali ty ahresar, ty hublaješ bolš», — adznačyŭ jon.

Viadoma, što raniej navat vinavaciŭ Ukrainu ŭ pačatku kanfliktu i admaŭlaŭ patrebu nazyvać Rasiju ahresaram.

Adnak za leta jaho pazicyja źmianiłasia: administracyja Trampa pačała ŭzmacniać cisk na prezidenta Rasii Uładzimira Pucina, jaki admaŭlajecca ad pramych pieramovaŭ z prezidentam Ukrainy Uładzimiram Zialenskim. Tramp pryznaŭ, što raźličvaŭ chutka spynić vajnu, ale situacyja akazałasia značna składaniejšaj.

ZŠA zaraz sutykajucca z zaklikami da ŭviadzieńnia jašče bolš žorstkich sankcyj suprać Rasii. Sam Tramp zajaŭlaje, što hatovy da hetaha, ale choča, kab Jeŭropa spačatku admoviłasia ad kupli rasijskaj nafty i zrabiła svaje sankcyi bolš žorstkimi. Jon padkreśliŭ, što pakul niekatoryja krainy ES, u tym liku Vienhryja i Słavakija, zastajucca asnoŭnymi pakupnikami rasijskaj enierhii.

Amierykanski ministr enierhietyki Krys Rajt adznačyŭ, što ZŠA imknucca całkam zamiaścić rasijski haz, kab pazbavić Maskvu finansavańnia dla viadzieńnia vajny.

Kamientary da artykuła