Ministarka abarony Litvy zaklikała źbivać rasijskija źniščalniki
Ministarka abarony Litvy Davile Šakalenie, kamientujučy zajavu Estonii ab parušeńni jaje pavietranaj prastory rasijskimi samalotami nahadała pra situacyju 2015 hoda, kali tureckija VPS źbili rasijski samalot Su-24.
Davile Šakalenie. Fota: Anna Ross/picture alliance via Getty Images
«Try rasijskija źniščalniki nad Talinam — jašče adzin ćviordy dokaz taho, što [prahrama NATA] «Uschodni vartavy» daŭno naśpieŭ. Paŭnočna-ŭschodniaja miaža NATA praviarajecca nie prosta tak. My pavinny dziejničać surjozna. Turcyja pakazała prykład 10 hadoŭ tamu. Jość nad čym zadumacca», — napisała Šakalenie ŭ sacsietcy Ch.
24 listapada 2015 hoda turecki źniščalnik F-16 źbiŭ rasijski bambavik Su-24 kala siryjska-tureckaj miažy. Turcyja śćviardžała, što rasijski ekipaž parušyŭ jaje pavietranuju prastoru, niahledziačy na šmatlikija papiaredžańni. Maskva heta admaŭlała, zajaŭlajučy, što samalot znachodziŭsia vyklučna nad terytoryjaj Siryi. Adzin z rasijskich piłotaŭ zahinuŭ padčas pryziamleńnia paśla katapultavańnia.
Raniej paviedamlałasia, što Estonija abvinavaciła try rasijskija źniščalniki ŭ parušeńni svajoj pavietranaj prastory, choć u Ministerstvie abarony Rasii śćviardžajuć, što nibyta ničoha takoha nie było. Prezident ZŠA Donald Tramp, daviedaŭšysia pra hetu situacyju, zajaviŭ, što jana jamu vielmi nie padabajecca.
Čytajcie taksama:
Dva rasijskija źniščalniki pravakacyjna pralacieli nad polskaj naftavaj płatformaj
Kiełah prahnazuje Ukrainie bałtyjski scenaryj
Rasijskija źniščalniki parušyli pavietranuju prastoru Estonii