Łukašenka zajaviŭ, što «Arešnik» užo ŭ darozie da Biełarusi
Alaksandr Łukašenka padčas znachodžańnia ŭ Maskvie na Hłabalnym atamnym forumie paviedamiŭ, što novaja rasijskaja rakietnaja sistema «Arešnik» užo na šlachu ŭ Biełaruś.
Alaksandr Łukašenka. Fota: Contributor / Getty Image
Adkazvajučy na pytańnie žurnalista, Łukašenka skazaŭ: «Užo ŭ darozie, usio budzie narmalna».
Pra sistemu «Arešnik» stała viadoma ŭ listapadzie 2024 hoda, kali rasijskija vajskoŭcy ŭpieršyniu vykarystali hetuju hipierhukavuju rakietu, naniosšy ŭdar pa pradpryjemstvie VPK Ukrainy ŭ Dniapry. Tady prezident Rasii Uładzimir Pucin padčas vialikaj pres-kanfierencyi adznačyŭ, što na siońniašni dzień nibyta niama sistem supraćpavietranaj abarony, zdolnych supraćstajać «Arešniku». Praŭda, jahonyja słovy paśla mnohim stavilisia pad sumnieŭ.
U śniežni 2024 hoda paśla pasiadžeńnia Vyšejšaha dziaržaŭnaha savieta «Sajuznaj dziaržavy» ŭ Minsku Łukašenka paprasiŭ Pucina pastavić rakiety ŭ Biełaruś. Toj adkazaŭ, što heta mahčyma, i paviedamiŭ, što pieradača kompleksaŭ moža adbycca ŭ druhoj pałovie 2025 hoda. U červieni hetuju datu paćvierdziŭ dziaržsakratar Rady Biaśpieki Biełarusi Alaksandr Valfovič.
Padčas sioletniaj sustrečy z Łukašenkam na Vałaamie, Pucin adznačyŭ, što rasijskija i biełaruskija śpiecyjalisty nibyta ŭžo vybirajuć pazicyi dla raźmiaščeńnia «Arešnika».
Čytajcie taksama:
Pucin zajaviŭ ab sieryjnaj vytvorčaści «Arešnika»
Rasija nie moža rabić «Arešnik» biez zachodnich technałohij