Tramp znoŭ raskrytykavaŭ Pucina, zajaviŭšy, što pavolnaja akupacyja Ukrainy škodzić reputacyi Rasii

Prezident ZŠA zajaviŭ, što pavolnyja tempy akupacyi Ukrainy niahledziačy na masiravanyja bambardziroŭki ŭkrainskich haradoŭ škodziać reputacyi Rasii.

Fota: Joe Raedle / Getty Images

Jon padkreśliŭ, što dziejańni kiraŭnika RF Uładzimira Pucina pryviali da značnych čałaviečych strat i razbureńniaŭ, ale nie nablizili zakančeńnie vajny. Pra heta Donald Tramp zajaviŭ padčas razmovy z žurnalistami ŭ Biełym domie, piša «Ukrainskaja praŭda».

Amierykanski prezident čarhovy raz vykazaŭ svajo rasčaravańnie dziejańniami Pucina. Pavodle jaho słoŭ, Rasija nanosić masiravanyja ŭdary pa ŭkrainskich haradach i hramadzianskaj infrastruktury, adnak jaje terytaryjalnyja zavajovy zastajucca minimalnymi.

«Ja saču za tym, što robić Rasija, i ja vielmi niezadavoleny tym, što robić Rasija i što robić Pucin. Mnie heta zusim nie padabajecca. Jon zabivaje ludziej biez usialakaj pryčyny. I jany pakazvajuć siabie vielmi drenna, uličvajučy, što pastavili ŭsio na kon. Ich ekanomika lacić u piekła».

Tramp dadaŭ, što vajna, raźviazanaja Kramlom, zaciahvajecca i ŭžo doŭžycca čaćviorty hod. Niahledziačy na masiravanyja abstreły, Maskva zmahła zachapić vielmi mała terytoryj i navat paniesła straty.

«Jany bambiać usio zapar i zachoplivajuć vielmi mała terytoryj, kali naohuł zachoplivajuć. Nasamreč navat hublajuć. Tamu, dumaju, heta vielmi drenna dla reputacyi Rasii», — zajaviŭ jon.

Tramp padkreśliŭ, što «hetaja vajna musiła b užo skončycca». Na jaho pierakanańnie, kali b heta była vajna ZŠA, to jon by skončyŭ jaje «za tydzień».

«Pahladzicie, što jany zdabyli. Za apošni miesiac uziali zusim mała, a vy paviedamlajecie pra ŭsie hetyja bambardziroŭki, pra ŭsie hetyja drony, 900 dronaŭ, što zachodziać u peŭnyja rajony, jak u Kijeŭ, za adnu noč. I pry ŭsim hetym jany zachapili vielmi mała. Tamu ja vielmi rasčaravany Pucinym».

Kamientary da artykuła