Ciahnik syšoŭ z rejek i zhareŭ na miažy ź Biełaruśsiu ŭ Smalenskaj vobłaści
U rajonie stancyi Ryžykava na čyhunačnym pierajeździe sutyknulisia hruzavy ciahnik i vialikahruzny aŭtamabil.
Na pierahonie Rudnia-Hałynki Smalenskaj vobłaści Rasii hruzavy ciahnik z haruča-zmazačnymi materyjałami i draŭninaj urezaŭsia ŭ hruzavik na pierajeździe. U vyniku 18 vahonaŭ syšli z rejek, šeść ź ich zhareli, paciarpieła i łakamatyŭnaja bryhada.
«Ratavalniki tušać 6 vahonaŭ z haručymi materyjałami. Da likvidacyi nastupstvaŭ pryciahnutyja bolš za 40 śpiecyjalistaŭ i 10 adzinak techniki. Na miesca vyjechali try pažarnyja i čatyry adnaŭlenčyja ciahniki», — paviedamili ŭ MNS Rasii.
U MŽD dadali, što ŭ suviazi z tym, što adbyłosia, u rehijonie prypynieny ruch ciahnikoŭ.
Šerah takich incydentaŭ zdaryŭsia na čyhunkach Rasii za apošni čas. Ukrainskaja raźviedka adnosiła mnohija inšyja zdareńni na rachunak antyvajennych partyzanaŭ.