Zamiežnik zabiŭ minčanku 26 udarami nažom
Trahiedyjaj zakončyłasia znajomstva ŭ sacyjalnaj sietcy 54‑hadovaha zamiežnika i 45‑hadovaj minčanki, paviedamlaje prakuratura.
Mužčyna ŭziaty pad vartu pa padazreńni ŭ žorstkim zabojstvie žančyny. Jon daŭ pakazańni.
Pa viersii prakuratury, mužčyna i žančyna ŭ krasaviku—mai hetaha hoda paznajomilisia ŭ sacyjalnaj sietcy. U žniŭni jon pryjechaŭ u Biełaruś i sustreŭsia ź minčankaj.
«Miž imi skłalisia siabroŭskija adnosiny. Pryjazdžajučy nazad u svoj horad, jon abiacaŭ viarnucca. Praź niaznačny čas padazravany pryjechaŭ biez papiaredžańnia ŭ hości da svajoj znajomaj, što stała dla jaje niečakanaściu. Padtrymlivać ź im blizkija adnosiny nie ŭvachodziła ŭ jaje płany.
U chodzie kanfliktu žančyna na sproby zblizicca ź joj udaryła padazravanaha pa tvary, što vyklikała ŭ mužčyny ahresiju, — jon nanios joj nie mienš za 26 udaraŭ nažom pa roznych častkach cieła, u tym liku pa žyćciova važnych orhanach», — raskazali ŭ prakuratury.
Miedyki kanstatavali śmierć paciarpiełaj.
«U chodzie papiaredniaha rasśledavańnia padazravany daŭ pryznalnyja pakazańni», — dadavali ŭ prakuratury.