Alpinist z Polščy staŭ pieršym čałaviekam, jaki spuściŭsia z Evierestu na łyžach biez kisłarodnych bałonaŭ

37‑hadovy palak Andžej Barhiel uvajšoŭ u historyju alpinizmu: jon staŭ pieršym čałaviekam, jaki padniaŭsia na Evierest i spuściŭsia ź jaho na łyžach biez vykarystańnia kisłarodnych bałonaŭ, piša sajt wspinanie.pl.

Andžej Barhiel padymajecca na Evierest. Fota: Pasang Rinzee Sherpa / Red Bull Content Pool

Na videa ź viaršyni vidać, jak Andžej Barhiel ciažka dychaje praź niedachop kisłarodu ŭ razredžanym pavietry. Uzychod na viaršyniu zaniaŭ u jaho čatyry dni, a spusk — jašče dva.

Padčas spusku spartsmien pa-majstersku abychodziŭ vuzkija chrybty, stromkija schiły i niebiaśpiečnyja abryvy. Najbolš ryzykoŭnym učastkam staŭ ledavik Kchumbu, dzie Barhiel ruchaŭsia praz łabirynt ruchomaha lodu i hłybokich raskolin biez strachoŭki, aryjentujučysia tolki pry dapamozie drona, jakim kiravaŭ jahony brat.

Dla svajho pachodu palak śviadoma vybraŭ vosień: nadvorje ŭ hety čas niepradkazalnaje, ale zatoje niama turystyčnych čerhaŭ na haru.

Premjer-ministr Polščy Donald Tusk užo pavinšavaŭ suajčyńnika z histaryčnym dasiahnieńniem.

Kamientary da artykuła