Mieteazond ź biełaruskimi cyharetami pryziamliŭsia prosta kala hipiermarkieta ŭ Biełastoku
U Biełastoku na parkoŭcy kala hipiermarkieta Auchan na vulicy Hietmanskaj pryziamliŭsia mieteazond z partyjaj biełaruskich cyharet. Takija abjekty zvyčajna zapuskajuć kantrabandysty, piša vydańnie Most.
Zond paśla pryziamleńnia. Fota: Podlaska Policja / Kurier Poranny. Kałaž: Most
Niezvyčajny hruz kala hipiermarkieta ŭbačyli kala siomaj hadziny ranicy 27 vieraśnia. Słužby, jakija prybyli na miesca, znajšli ŭ «pasyłcy» 2 tysiačy pačkaŭ cyharet biez polskich akcyznych marak.
Akazałasia, heta nie adzinaja partyja, zapuščanaja ź Biełarusi pa pavietry ŭ noč z 26 na 27 vieraśnia. Padobny hruz znajšli ŭ pryharadzie Biełastoka Klaosinie. Pamiežnaja słužba paviedamiła pra zatrymańnie dvuch palakaŭ, u jakich pry sabie byli ŭpakoŭki z cyharetami.
Cikavaść kantrabandystaŭ da pavietranaha šlachu pierakidańnia cyharet vyrasła paśla taho, jak na polska-biełaruskaj miažy pabudavali płot. Mieteazondy pieramiaščajucca na nizkaj vyšyni, tamu radary ich nie fiksujuć. Ale viecier časta adnosić ich daloka ad miescaŭ mierkavanaj pasadki.
Zvyčajna zondy supravadžajuć GPS-datčykami, što palahčaje kantrabandystam ich pošuk na polskim baku.
Čytajcie taksama:
U Łatvii na miažy ź Biełaruśsiu znajšli aerastaty z kantrabandaj
U Koŭnie zatrymali ŭdzielnikaŭ padpolnaha zavoda pa vyrabie cyharet. Siarod ich — biełarusy
Polskija mytniki znajšli biełaruskija cyharety ŭ kantejnierach z Kitaja