U Zasłaŭi na darozie zrabili novuju raźmietku. Takoj niama navat u stalicy
Biełaruski darožny inžynierna-techničny centr paviedamiŭ pra realizacyju piłotnaha prajekta pa naniasieńni darožnaj raźmietki ŭ Zasłaŭi. U ramkach padrychtoŭki da «Dažynak» u horadzie vykarystali technałohii, jakija raniej u Biełarusi nidzie nie prymianialisia.
U Zasłaŭi źjaviłasia ekśpierymientalnaja darožnaja raźmietka, raspracavanaja dla pavyšeńnia biaśpieki dziaciej.
Tradycyjnuju biełuju «ziebru» kala zasłaŭskaj škoły dapoŭnili jarkimi elemientami: žoŭtaja zona pasadki-vysadki dziaciej z akantoŭkaj z čyrvonaha chałodnaha płastyku. Taki kantrasny dyzajn zaklikany maksimalna pryciahnuć uvahu vadzicielaŭ, prymusiŭšy ich zahadzia źnizić chutkaść.
Dla naniasieńnia składanaj hrafiki śpiecyjalisty vykarystoŭvali sučasnuju technałohiju i abstalavańnie, jakoje dazvalaje aŭtamatyčna i z vysokaj dakładnaściu nanosić na asfalt darožnyja znaki i składanyja aplikacyi, zabiaśpiečvajučy ich daŭhaviečnaść.
Na ŭsich znakach, naniesienych stymohrafam, možna zaŭvažyć nie sucelny malunak, a abjomnuju vyjavu, jakaja składajecca sa šmatlikich kropak. Takija znaki bolš ustojlivyja da vady i mienš znošvajucca.