Pad Mahilovam kiroŭca źbiŭ naśmierć viełasipiedysta i źjechaŭ, jaho zatrymali ŭ Minskaj vobłaści
U niadzielu ranicaj pablizu v. Bryli Mahiloŭskaha rajona znajšli cieła 57‑hadovaha viełasipiedysta z prykmietami najezdu aŭtamabila. Kiroŭca ź miesca zdareńnia źjechaŭ.
Skrynšot videa MUS
Na praciahu niekalkich hadzin fihuranta ŭstanavili i zatrymali na terytoryi Minskaj vobłaści. Im akazaŭsia 33‑hadovy žychar Puchavickaha rajona na Iveco, paviedamlaje pres-słužba MUS.
Kiroŭca bolš za 20 razoŭ pryciahvaŭsia da administracyjnaj adkaznaści za pravaparušeńni, dvojčy pazbaŭlaŭsia pravoŭ za jazdu ŭ niećviarozym stanie.
Dziaržaŭtainśpiekcyja nahadvaje: pry ździajśnieńni DTZ kiroŭca abaviazany zastavacca na miescy, pa mahčymaści akazać dapamohu paciarpiełamu, nie pieramiaščać transpartny srodak, paviedamić pra zdareńnie ŭ milicyju i miedykam.