U Słaŭharadzie milicyjaniery prykinulisia machlarami i patelefanavali piensijaniercy

U Słaŭharadzie milicyja razam ź miascovaj hazietaj praviała niezvyčajny ekśpierymient: supracoŭniki patelefanavali miascovaj žycharcy, pradstaŭlajučysia «machlarami». Žančyna biez rozdumaŭ paviedamiła asabistyja danyja i navat addała adnarazovy sms-kod, ryzykujučy stracić usie aščadžeńni, zaŭvažyła vydańnie BGMedia.

Skrynšot ź videa

Zajaŭlenaj metaj ekśpierymientu była demanstracyja, nakolki lohka ašukać davierlivych ludziej, asabliva piensijanieraŭ, niahledziačy na šmatlikija papiaredžańni pra telefonnyja machlarstvy.

@slav_news.by ⚡️⚡️⚡️ My vsio čaŝie i čaŝie słyšim słovo «mošieńniki». ☝️I každyj uvierienno hovorit: «Da my znajem etich mošieńnikov, nas nie obmanieš!». ❓No tak li eto na samom diele? Čtoby provieriť, «PK» sovmiestno so Słavhorodskim ROVD provieła niebolšoj ekśpierimient. Smotrim riezultaty i diełajem vyvody. VIDIEO:Natalji Krasiovoj #Biełaruś #Słavhorod #profiłaktikamošieńničiestva #mvd ♬ orihinalnyj zvuk - slav.news.by

U kamientarach biełarusy adreahavali na hetyja dziejańni pa-roznamu adreahavali: adnyja ździvilisia, što milicyja «razvodzić ludziej», inšyja raskazali historyi pra ŭłasnyja sutyknieńni z afierystami. Niekatoryja adznačajuć, što pažyłyja ludzi, niahledziačy na ŭsie papiaredžańni, usio adno časta paddajucca na padobnyja schiemy, bo byli vychavanyja ŭ inšych umovach.

Milicyja taksama nahadała, jak dziejničajuć sapraŭdnyja machlary. Časta jany telefanujuć ad imia «firmaŭ pa ŭstanoŭcy damofonaŭ» i pad vyhladam «zamieny klučoŭ» ci «abarony rachunku» vypytvajuć asabistyja danyja, u tym liku kody z SMS. Paśla hetaha złamyśniki atrymlivajuć dostup da bankaŭskich kartaŭ, afarmlajuć kredyty i zdymajuć hrošy.

Praviły biaśpieki, jakich rekamiendujecca trymacca, kab nie stać achviaraj machlaroŭ:

• nikoli nie nazyvać sms-kody;
• pamiatać, što banki i pradstaŭniki inšych słužbaŭ nie telefanujuć praź miesiendžary;
• adrazu spyniać razmovu ź nieznajomymi;
• vykarystoŭvać tolki aficyjnyja kantakty bankaŭ i dziaržstruktur;
• nie pierachodzić pa padazronych spasyłkach i nie ŭstaloŭvać nieviadomyja prahramy;
• kali pa telefonie patrabujuć pravieści lubyja finansavyja apieracyi — nieadkładna spynić razmovu.

Kamientary da artykuła