Načalnik depo ŭ Hrodnie braŭ chabary za adpraŭku padnačalenych na pracu ŭ Polšču

41‑hadovaha byłoha načalnika abarotnaha depo ŭ Hrodnie sudzili za atrymańnie vialikaha chabaru, paviedamlaje pres-słužba Hienieralnaj prakuratury.

Fota ilustracyjnaje

Padčas sudovaha śledstva było ŭstanoŭlena, što mužčyna ź lutaha 2019 hoda pa krasavik 2024 hoda atrymlivaŭ ad svaich padnačalenych — mašynistaŭ ciahnikoŭ i ich pamočnikaŭ — chabar. Hrošy jamu pieradavali za toje, kab kankretnyja supracoŭniki mahli adpraŭlacca ŭ pracoŭnyja pajezdki ŭ Polšču, dzie jany atrymlivali kampiensacyi da zarobku za svaju ruchomuju i raźjazdnuju rabotu, a taksama za bolš ciažkija ŭmovy pracy.

Usiaho načalnik depo atrymaŭ chabar u pamiery 12 590 dalaraŭ ZŠA.

Sud Kastryčnikaha rajona Hrodna, uličvajučy ŭsie pradstaŭlenyja dokazy, pryznaŭ abvinavačanaha vinavatym. Na padstavie častki 2 artykuła 430 Kryminalnaha kodeksa Respubliki Biełaruś mužčynu prysudžana:

• pazbaŭleńnie voli na 5 hadoŭ z adbyvańniem u papraŭčaj kałonii ŭ ŭmovach uzmocnienaha režymu;
• štraf u pamiery 350 bazavych vieličyń (kala 14,7 tysiačy rubloŭ);
• pazbaŭleńnie prava zajmać pasady, źviazanyja z arhanizacyjna-kiraŭničymi abaviazkami, na 5 hadoŭ.

Akramia hetaha, pa praviłach častki 2 artykuła 46‑1 Kryminalnaha kodeksa Respubliki Biełaruś z abvinavačanaha spahnany dachod, atrymany złačynnym šlacham. Jaho majomaść pakinutaja pad aryštam, kab zabiaśpiečyć vykanańnie prysudu ŭ častcy spahnańnia majomaści.

Kamientary da artykuła