Łukašenku pieradali słovy Zialenskaha pra jaho z Pucinym — «pažyłych ludziej, jakija niešta bałbočuć». Jon adreahavaŭ
Alaksandr Łukašenka na sustrečy z premjerami SND i JEAES adkazaŭ Uładzimiru Zialenskamu, jaki z sarkazmam prakamientavaŭ prapanovy Łukašenki pra pieramirje.
Fota: Getty Images
Alaksandr Łukašenka rabiŭ zajavy, jak važna zachoŭvać i raźvivać ekanamičnaje supracoŭnictva krain SND. «Idzie pieradzieł śvietu, kankurentnaja bitva, baraćba. Chaciełasia b, kab u hetaj baraćbie my vystajali. A vydužać tolki možam razam», — skazaŭ jon i niečakana prakamientavaŭ Zialenskaha.
«Vy hienierały ŭ ekanomikach svaich krain, — źviarnuŭsia jon da ŭdzielnikaŭ sustrečy. — Ja čałaviek užo…
Jak niadaŭna skazaŭ tut moj kaleha, jakoha svaim synam ličyŭ, Vałodzia Zialenski, «staryja» my tut z Pucinym, dzieści tam «šepčamsia pa kutach» na škodu inšym. Łuchta poŭnaja».
Raniej Uładzimir Zialenski sarkastyčna acaniŭ prapanovu, ź jakoj u minułuju piatnicu vystupiŭ Alaksandr Łukašenka.
«Mnie składana reahavać na toje, što kaža Łukašenka. Jon žyvie ŭ svaim śviecie, jaki jon pabudavaŭ, izalavaŭ siabie i žyvie tam try dziesiacihodździ. Ale hety dom, jaki jon pabudavaŭ, maje pamier z krainu. Ale ja chaču jamu nahadać, što jaho kraina — niezaležnaja. Jon žyvie ŭ svaim śviecie, ale časam u hety śviet pryjazdžaje Pucin. Jany pra niešta bałbočuć, dva davoli pažyłyja čałavieki. Chaj havorać», — skazaŭ Zialenski.