Kala stancyi mietro «Kamiennaja Horka» pamierła piensijanierka
Fota cieła pažyłoj žančyny, znojdzienaha kala padziemnaha pierachodu stancyi mietro «Kamiennaja Horka» ŭ Minsku, stała raspaŭsiudžvacca ŭ siecivie. Pra abstaviny zdareńnia daviedałasia ahienctva «Minsk-Naviny».
Zdymki nakrytaha śpiecmateryjałam cieła i aŭtamabilaŭ miedykaŭ i milicyi apublikavali dniom 30 vieraśnia, adnak padrabiaznaj infarmacyi pra incydent nie paviedamlałasia.
Va Upraŭleńni Śledčaha kamiteta pa horadzie Minsku fakt śmierci čałavieka paćvierdzili i raskazali niekatoryja detali:
«Pavodle danych śledstva, 30 vieraśnia pablizu padziemnaha piešachodnaha pierachodu na vulicy Prytyckaha ŭ Minsku znojdziena cieła 79‑hadovaj piensijanierki. […] Ustanoŭlena, što śmierć nie nosić kryminalnaha charaktaru».
Pra pryčyny śmierci stanie viadoma paźniej.