U Bychaŭskim rajonie piensijanierka zajšła da susiedki papić harbaty i zahinuła
U kancy žniŭnia ŭ vioscy Siedzič u domie adbyŭsia mocny pažar, pry likvidacyi jakoha vyratavalniki znajšli zahinułuju 74‑hadovuju viaskoŭku, jakaja znachodziłasia ŭ haściach.
Pavodle vynikaŭ sudova-miedycynskaj ekśpiertyzy, pažyłaja žančyna pamierła ad atručvańnia čadnym hazam. Etyłavy śpirt u jaje kryvi nie vyjaŭleny.
Ekśpiertami-pažaratechnikami, u svaju čarhu, ustanoŭlena, što pryčynaj pažaru najbolš vierahodna stała ŭzharańnie hazapavietranaj sumiesi ad połymia zapałki pry raspalvańni plity.
Pavodle słoŭ 82‑hadovaj ułaśnicy doma, ranicaj da jaje ŭ hości pryjšła adnaviaskoŭka.
Haspadynia vyrašyła prapanavać harbaty: pastaviŭšy na plitu čajnik, zapaliła zapałku — dalej adbyłasia ŭspyška ahniu, pažar. Babula paśpiašałasia da susiedziaŭ vyklikać MNS, a jaje hościa zastałasia ŭ domie, sprabavała tušyć ahoń i nie ŭratavałasia.
Sudovyja ekśpierty nahadvajuć, što stan i rabotu hazavaha abstalavańnia nieabchodna ŭvažliva kantralavać. Pry padazreńni na ŭźnikłyja niaspraŭnaści, uciečku hazu (pry źjaŭleńni śpiecyfičnaha pachu) nieadkładna źviartacca ŭ hazavuju avaryjnuju słužbu pa numary 104.
Aktualnyja i inšyja rekamiendacyi: nie pakidajcie pracujučuju hazavuju plitu biez nahladu, nie dapuskajcie kantaktu z ahniom i znachodžańnia pablizu kanforki plity haručych materyjałaŭ (štorak, ručnikoŭ, pradmietaŭ adzieńnia i h.d.), zabiaśpiečcie abaronu plity ad svavolstva maleńkich dziaciej.