U Rasii płanujuć istotna pavialičyć impart biełaruskaha bienzinu
Vice-premjer Rasii Alaksandr Novak prapanavaŭ istotna pavialičyć impart biełaruskaha bienzinu. U kastryčniku pastaŭki prapanujecca davieści da 300 tysiač ton u miesiac zamiest vieraśnioŭskich 45 tysiač ton. Pra heta havorycca ŭ zvarocie Novaka da premjer-ministra Michaiła Mišuścina, ź jakim aznajomiłasia vydańnie «Kommiersant».
Fota ilustracyjnaje
Pavieličeńnie abjomaŭ płanujecca zabiaśpiečyć za košt bieśpierabojnaj pracy sistemy «Transnafta» i zapusku davalnickaj pierapracoŭki nafty. Meta miery — stabilizavać unutrany rynak paliva, jaki z-za atak ukrainskich dronaŭ na rasijskija NPZ sutyknuŭsia z padzieńniem vytvorčaści i deficytam bienzinu ŭ šerahu rehijonaŭ.
Akramia pavieličeńnia pastavak bienzinu ź Biełarusi Novak prapanuje taksama dazvolić na paŭhoda vykarystańnie monamietyłanilinu — prysadki dla pavyšeńnia aktanavych likaŭ, zabaronienaj z 2016 hoda, a taksama abnulić impartnyja myty na pastaŭki bienzinu z Kitaja, Paŭdniovaj Karei i Sinhapura.
Čytajcie taksama:
Praz ataki na rasijskija NPZ biełaruski bienzin viarnuŭsia na rynak RF
«Prašu krymčan i haściej nabracca ciarpieńnia». U Krymie źnik bienzin