Pamior daśledčyk historyi VKŁ Hienryk Viśnier

U Varšavie pamior viadomy polski historyk Hienryk Viśnier, značnaja častka navukovych zacikaŭlenaściaŭ jakoha była źviazanaja z historyjaj Vialikaha Kniastva Litoŭskaha. Jamu było 89 hadoŭ.

Hienryk Viśnier

Hienryk Viśnier z 1961 hoda pracavaŭ u Centralnaj vajskovaj biblijatecy, zatym u vydaviectvie Ministerstva nacyjanalnaj abarony, a paźniej — u Instytucie sacyjalistyčnych krain Polskaj akademii navuk. Z 1980 hoda źviazany ź Instytutam historyi PAN. U 1987 hodzie atrymaŭ zvańnie prafiesara.

Asnoŭnyja kirunki jahonych daśledavańniaŭ — vajskovaja historyja, dypłamatyja Rečy Paspalitaj, a taksama historyja Vialikaha Kniastva Litoŭskaha. Jon źjaŭlajecca aŭtaram šerahu prac, pryśviečanych hetym temam.

Najbolš viadomyja raboty Hienryka Viśniera, źviazanyja z historyjaj Vialikaha Kniastva Litoŭskaha — «Lisoŭčyki», «Vajna nie vajna. Eskizy z polska-litoŭskaha minułaha», «Karol i car: Reč Paspalitaja i Maskva ŭ XVI i XVII stahodździach», «Januš Radzivił 1612—1655» i inšyja. 

Kamientary da artykuła