Absurd nie tolki z Baranavičami. U Oršy taksama źjavicca manumient «Horad pracoŭnaj słavy 1941-1945»
U hetym hodzie Rada kiraŭnikoŭ dziaržaŭ SND prysvoiła zvańnie «Horad pracoŭnaj słavy 1941-1945» šerahu nasielenych punktaŭ, kab adznačyć uniosak žycharoŭ tyłu. U śpisie ŭ asnoŭnym harady Kazachstana i Uźbiekistana, ale akazalisia tam taksama Baranavičy (stełu tam užo adkryli) i Orša, dzie ŭ hety momant stvarajuć Park pracoŭnaj słavy, paviedamlaje Biełaruski instytut publičnaj historyi.
Skvier źjavicca pa vulicy Hrycaŭca na ŭjeździe ŭ horad. U traŭni pry zakładcy kapsuły z pasłańniem naščadkam staršynia Pałaty pradstaŭnikoŭ Ihar Sierhiejenka tak patłumačyŭ prysvajeńnie zvańnia Oršy, jakaja ŭ vajnu znachodziłasia pad akupacyjaj:
«Našy baćki i dziady zmahli ŭ najkarotkija terminy adnavić pracu čyhunačnaha vuzła, šerahu pradpryjemstvaŭ. Da kanca 1945 hoda zapracavaŭ Aršanski lnokambinat».
U parku budzie ŭstalavanaja steła «Horad pracoŭnaj słavy 1941‑1945 hady». Pakul ža miascovyja žychary skardziacca, što z-za budaŭničych rabot i adsutnaści tratuaraŭ im davodzicca chadzić pa hrazi.
Čytajcie taksama:
«Horad pracoŭnaj słavy 1941—1945». U Baranavičach adkryli manumient ź dziŭnaj nazvaj
U Baranavičach padčas zalevy papłyła pa vulicy skulptura čyhunačnika VIDEA
Restaŭratary adnavili kaplicu ŭ siadzibie Ahinskich. Jaje raskrytykavali za niedakładnaści