Uładalnika rasijskich brendaŭ «Kiryješki» i «Jaškina» pryznali ekstremistam i kanfiskavali ŭsie aktyvy
Pavodle viersii śledstva, jaho baćka spansiravaŭ USU, a sam biznesmien padtrymlivaŭ jaho dziejańni.
Kałaž: ostorozhno_novosti / Telegram
Ćviarski sud Maskvy pastanaviŭ kanfiskavać u dachod dziaržavy majomaść miljardera Dzianisa Štenhiełava — uładalnika hrupy kampanij «KDV», jakaja vypuskaje pradukcyju pad markami «Kiryješki», «Jaškina», vałodaje pravami na vytvorčaść brendaŭ «Calvé» i «Bałtymor» u Rasii i SND.
Miljardera Dzianisa Štenhiełava i jaho baćku Mikałaja pryznali ekstremisckim abjadnańniem.
Pavodle viersii śledstva, Štenhiełaŭ-starejšy spansiravaŭ USU, a syn padtrymlivaŭ jaho dziejańni.
Abodva mužčyny pražyvajuć za miažoj užo bolš za dziesiać hadoŭ.
Sud vyrašyŭ kanfiskavać majomaść samoha Štenhiełava i kampanii «Konditierus Kom» u dachod dziaržavy.
«Štenhiełavy pieratvaryli chołdynh u instrumient asabistaha ŭzbahačeńnia i naniasieńnia škody Rasii», — skazaŭ na sudzie pradstaŭnik abvinavačvańnia.