Ekzamien na viedańnie dziaržaŭnaj movy zdali 90% mihrantaŭ
U Biełarusi prajšło moŭnaje testavańnie inšaziemcaŭ, jakija pretendujuć na pracu ŭ krainie. Pavodle danych Ministerstva adukacyi, 90% udzielnikaŭ atrymali stanoŭčy vynik, a 10% nie zdoleli zdać ekzamien.
Fota: Sputnik
Usiaho vyprabavańnie prajšli 90 inšaziemcaŭ. Ekzamien adbyŭsia ŭ aŭtorak.
Jak patłumačyli ŭ viedamstvie, dla paśpiachovaj zdačy nieabchodna nabrać nie mienš za 50% pravilnych adkazaŭ. Pravierka viedaŭ doŭžycca kala paŭhadziny, uvieś praces fiksujecca na aŭdyjo i videa, paśla čaho vyniki afarmlajucca pratakołam.
Inšaziemcy, jakija nie zdali test, nie mohuć zaklučyć pracoŭnuju damovu z najmalnikam. Adnak jany majuć mahčymaść paŭtorna zdać ekzamien paźniej.
Nastupnaje testavańnie pryznačana na 15 kastryčnika.
Čytajcie taksama:
U Minpracy raskazali, jak buduć prymać moŭnyja ekzamieny ŭ mihrantaŭ
Kolkaść nielehalnych mihrantaŭ na polska-biełaruskaj miažy rezka vyrasła
Ekanamistka Łuzhina: Za miežami Biełarusi akazałasia nie mienš za 400 tysiač biełarusaŭ
U Polščy apraŭdali aktyvistaŭ, jakija dapamahali mihrantam na miažy