Na polskaj miažy znoŭ vyrasła čarha
Pa stanie na 06:00 ranicy piatnicy na pierachodzie «Brest» stajać 495 lehkavych aŭtamabilaŭ i čatyry aŭtobusy.
Vialikija čerhi na polskaj miažy byli ŭ lipieni i žniŭni, a ŭ druhoj pałovie žniŭnia daraśli amal da 4800 lehkavikoŭ, aŭtobusaŭ niejki momant było bolš za 150.
Z 12 pa 24 vieraśnia z-za biełaruska-rasijskich vučeńniaŭ «Zachad-2025» miaža była całkam zakryta, ale ŭ dzień adkryćcia kolkaść lehkavikoŭ, zarehistravanych na vyjezd, vyrasła da 3000.
Potym čarha stała źmianšacca i ranicaj 1 kastryčnika źnikła całkam.
Na litoŭskaj miažy ŭ «Kamiennym Łohu» siońnia ranicaj stajać 50 lehkavych aŭto, u «Bieniakoniach» čerhaŭ niama.