Rasijskaja bryhada «Espańjoła», jakaja składałasia z ultrapravych futbolnych fanataŭ dla vajny z Ukrainaj, abviaściła pra rasfarmiravańnie
88‑ja dobraachvotnickaja bryhada «Espańjoła» spyniaje svajo isnavańnie i budzie rasfarmiravana — na jaje bazie stvoryć radyjoelektronny i šturmavy atrady.
Skrynšot videa
Bolšaść bajcoŭ pad kamandavańniem Stanisłava Arłova («Ispanca») piarojduć na słužbu ŭ novyja padraździaleńni Minabarony RF i inšych siłavych struktur. Marski atrad «Espańjoły» i raźviedcentr «Miełodyja» ŭ Krymie praciahnuć svaju pracu. Pryjom u štat bryhady da kanca kastryčnika prypynieny.
«Espańjoła» była stvorana z ultrapravych rasijskich futbolnych fanataŭ. Jana viadomaja tym, što zachodziła pad Klaščejeŭku ŭ 2023‑m i brała ŭ 2024— 2025‑m Časaŭ Jar.
Pavodle rasijskich ŚMI, «Espańjoła» źviazanaja z byłym pamočnikam prezidenta RF Uładzisłavam Surkovym i «Adzinaj Rasijaj». «Važnyja historyi» pisali, što «Espańjołu» spansavaŭ načalnik słužby biaśpieki Rasijskaj čyhunki Viktar Šendryk