Častkovy błekaŭt i pažar u Lvovie paśla masiravanaha abstrełu Rasii
U Lvovie ranicaj 5 kastryčnika adbylisia mahutnyja vybuchi ŭ vyniku čarhovaha rakietnaha ŭdaru Rasii. Častka horada zastałasia biez elektryčnaści, paviedamili ŭ meryi.
U vyniku rasijskich udaraŭ u Lvovie zahareŭsia industryjalny park Sparrow
Pavodle mera Andreja Sadavoha, śviatła niama ŭ niekalkich rajonach horada. Hramadski transpart nie vychodzić na maršruty z-za pahrozy žyćciu ludziej.
Rankam horad znachodziŭsia pad intensiŭnym rasijskim abstrełam. Rasijanie atakavali Lvoŭ roznymi typami rakiet i bieśpiłotnikaŭ. Kala 06:35 u horadzie prahučali niekalki vybuchaŭ paśla paviedamleńniaŭ pra nabližeńnie rakiet «Kinžał».
Pavodle mera horada, u vyniku ataki ŭ Lvovie zahareŭsia industryjalny park Sparrow. Papiarednie, paciarpiełych niama. Heta hramadzianski abjekt, bieź jakoj-niebudź vajskovaj składovaj, udakładniŭ mer horada.