U Vilni prajšła akcyja salidarnaści sa Statkievičam
Aficyjnaj infarmacyi pra miescaznachodžańnie Mikałaja Statkieviča, jaki admoviŭsia vyjazdžać u Litvu i viarnuŭsia ŭ Biełaruś, dahetul niama.
Fota: telehram-kanał Siarhieja Sparyša
U Vilni prajšła akcyja salidarnaści z palitykam i palitviaźniem Mikałajem Statkievičam.
Udzielniki akcyi ź bieł-čyrvona-biełymi ściahami i parasonami sabralisia na płoščy Vincasa Kudzirki, kab padtrymać Statkieviča i ŭsich biełaruskich palitviaźniaŭ.
Udzielniki z partyi «Narodnaja Hramada», ruchu palitviaźniaŭ RE:BELarus i arhanizacyi «Dapamoha» zajavili, što patrabujuć nieadkładnaha i biezumoŭnaha vyzvaleńnia Mikoły Statkieviča i ŭsich viaźniaŭ sumleńnia ŭ Biełarusi.
Statkievič byŭ siarod 52 palitviaźniaŭ, jakich 11 vieraśnia vyzvalili i viaźli departavać u Litvu. Adnak Statkievič vybiŭ dźviery aŭtobusa i viarnuŭsia ŭ Biełaruś. Pastupali źviestki, što ciapier jon znoŭ u kałonii ŭ Hłybokim. Ale aficyjnaj infarmacyi pra jaho miescaznachodžańnie dahetul niama. Žoncy Statkieviča taksama nie paviedamlajuć, dzie ciapier jaje muž.
Čytajcie taksama:
Maryna Adamovič raskazała pra svaju razmovu sa Statkievičam na miažy
Što raskazvaŭ Statkievič susiedziam u noč pierad vyjezdam na miažu
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča
Torba Mikałaja Statkieviča pryjechała ŭ Vilniu, a jon zastaŭsia bieź ničoha