Pamierła Natalla Doraš
Pamierła fotamastačka i fotažurnalistka z Hrodna Natalla Doraš. Pra śmierć žančyny paviedamili jaje znajomyja ŭ sacsietkach. Joj było 73 hady.
Natalla Doraš. Fota: znyata.com
Natalla Doraš naradziłasia ŭ Hrodnie 30 krasavika 1952 hoda. Jana była ŭnučkaj hrodzienskaha biełaruskaha hramadskaha dziejača 1920‑ch hadoŭ, doktara Kanstancina Bialeckaha, siarod zachapleńniaŭ jakoha była i fatahrafija.
Jahonaja ŭnučka fatahrafijaj zachapiłasia ŭ junactvie, i heta zachapleńnie pierarasło ŭ prafiesiju. Vučyłasia ŭ Škole fatahrafii ŭ Minsku. Pracavała fotakarespandentkaj u hazietach, drukavałasia ŭ biełaruskich i zamiežnych vydańniach.
Supracoŭničała z Narodnym fotakłubam «Hrodna», brała aktyŭny ŭdzieł u kłubnych fotavystavach, nieadnarazova pieramahała ŭ fotakonkursach, u tym liku i mižnarodnych. Sieryja «Pastva» zaniała druhoje miesca ŭ konkursie «Pres-fota Biełarusi 2011».
U kastryčniku 2013 hoda zładziła ŭ Hrodnie pieršuju piersanalnuju fotavystavy «Palešuki», u jakuju ŭvajšli dakumientalnyja fatahrafii žycharoŭ paleskaj vioski Bukča za 1976 -2012 hady.
Fota Natalli Doraš ź sieryi «Ludzi Paleśsia»