Danosčyca Bondarava zaniałasia mahami
Volha Bondarava, viadomaja svaimi prarasijskimi pohladami, raspačała baraćbu z varažbitkami. U instahramie jana natrapiła na abviestku «Navučaju mahii» i paskardziłasia ŭ Ministerstva antymanapolnaha rehulavańnia i handlu.
Volha Bondarava damahłasia taho, kab post z rekłamaj «Vuču mahii» ŭ instahramie pryznali parušeńniem zakona.
Jana napisała skarhu, i Minharvykankam paličyŭ takuju rekłamu parušeńniem zakona «Ab rekłamie». Aŭtarka pasta vydaliła jaho i atrymała papiaredžańnie.
«A naohuł, čas užo zabaraniać dziejnaść usich hetych varažbitak, viaščunoŭ, viedźmaŭ i inšaj niečyści. Va Ukrainie zaihryvańnie z akultyzmam pryviało da satanizmu i čałaviečych achviaraprynašeńniaŭ. Niaŭžo hetaha prykładu mała, kab spynicca i zadumacca, kudy moža zavieści našu Biełaruś biazdumnaje vykanańnie rekamiendacyj JUNIESKA?» — napisała Bondarava.