Aŭdytaru Ernst & Young dali čatyry hady pa palityčnym artykule i adpravili ŭ kałoniju dla recydyvistak
Siońnia «Naša Niva» pisała, što aŭdytarku Ernst & Young Kryścinu Sašnikavu asudzili paŭtorna pa pakiecie palityčnych artykułaŭ. Pra kankretny prysud joj, jaki raniej byŭ nieviadomy, daviedałasia «Viasna».
Kryścina Sašnikava
U śniežni 2024 hoda Kryścinu Sašnikavu asudzili za ŭdzieł u pratestach — pa č. 1 art. 342 Kryminalnaha kodeksa. Padobna, prysudzili pakarańnie, nie źviazanaje z pazbaŭleńniem voli.
Nieviadoma, ci tady dziaŭčynu vypuścili na volu, ale ŭrešcie jana znoŭ apynułasia ŭ SIZA. U vieraśni 2025 hoda Kryścinu paŭtorna asudzili. Jaje abvinavacili ŭ «finansavańni ekstremisckaj dziejnaści» (art. 361‑2 KK), «zaklikach da dziejańniaŭ, nakiravanych na pryčynieńnie škody Biełarusi» (č. 3 art. 361 KK) i «raspalvańnie varožaści» (č. 1 art. 130 KK).
«Viasna» daviedałasia, što dziaŭčynie pryznačyli čatyry hady źniavoleńnia i adpravili adbyvać termin u PK-24 u Zareččy. Heta kałonija dla recydyvistaŭ.
Čytajcie taksama:
Maładuju supracoŭnicu Ernst & Young asudzili za pratesty. A paśla kinuli ŭ SIZA pa novaj spravie
Staŭ viadomy prysud saŭładalniku «Varhiejminha» Kacałapavu
Viadomuju błohierku zatrymali na miažy — jaje sudzili za ŭdzieł u pratestach
Vychavacielku staličnaha dziciačaha sadka, śpiecyjalistku pa defiektałohii, asudzili za pratesty