Ukrainski ŭdar abiastočyŭ usiu akupavanuju Rasijaj častku Zaparožskaj vobłaści
Usia terytoryja Zaparožskaj vobłaści, akupavanaja Rasijaj, 7 kastryčnika zastałasia biez elektrazabieśpiačeńnia paśla ŭdaru Uzbrojenych sił Ukrainy. Pra heta paviedamiła rasijskaje Ministerstva enierhietyki ŭ svaim kanale ŭ telehramie.
Fota ilustracyjnaje
U viedamstvie adznačyli, što ŭ akupavanaj vobłaści jość paškodžanyja enierhietyčnyja abjekty, ale raboty pa adnaŭleńni, maŭlaŭ, užo iduć. Žycharoŭ zaklikali zachoŭvać spakoj, abiacajučy im jak maha chutčej adnavić padaču elektraenierhii.
Pryznačany Maskvoj kiraŭnik akupacyjnaj administracyi Jaŭhien Balicki paćvierdziŭ maštabnyja adklučeńni i paviedamiŭ, što miedustanovy pracujuć na reziervovych krynicach elektraenierhii. Jon padkreśliŭ, što nieadkładnaja dapamoha akazvajecca ŭ poŭnym abjomie, i vykazaŭ nadzieju, što elektraenierhiju ŭdasca adnavić užo da viečara.
Čytajcie taksama:
Rasija ŭdaryła nočču pa dzieviaci abłaściach Ukrainy