Dziaŭčynu-psichołaha z łahapiedyčnaha centra kinuli za kraty za ŭvachodžańnie ŭ skład niejkaha «ekstremisckaha farmiravańnia»

Dzijanie Michajlinaj pahražała da šaści hadoŭ kałonii.

Dzijana Michajlina. Fota z sajta centra, dzie jana pracavała

Dzijanie Michajlinaj 28 ci 29 hadoŭ — prynamsi tak jana paznačyła ŭ sacsietkach. Rodam dziaŭčyna ź Lidy. Paśla škoły pastupiła ŭ Biełaruski dziaržaŭny ŭniviersitet na kafiedru psichałohii fakulteta fiłasofii i sacyjalnych navuk, jakuju skončyła ŭ 2020 hodzie.

Dziaŭčyna pisała dypłom pra toje, jak pracavać z małodšymi školnikami ź ciažkimi parušeńniami maŭleńnia. A paśla vypusku pracavała psichołaham u adnym z łahapiedyčnych centraŭ.

Dzijana šmat čytaje, lubić anime i komiksy. Taksama jana zajmajecca sučasnymi tancami, chadziła ŭ tancavalnuju studyju i ŭdzielničała ŭ konkursach.

Dzijana Michajlina. Fota ź jaje instahrama.

Dziaŭčyna nie anłajn u sacsietkach ź listapada 2024 hoda. Dakładnaja data jaje zatrymańnia nieviadomaja.

Dzijanu asudzili ŭ 2025 hodzie pa č. 3 art. 361‑1 KK — «uvachodžańnie ŭ skład ekstremisckaha farmiravańnia». Nieviadoma, u čym sutnaść abvinavačańniaŭ suprać Dzijany — ale ŭ Biełarusi bolš za 300 ekstremisckich farmiravańniaŭ, ad adukacyjnych kursaŭ da haradskoha sada. Jana mahła paŭdzielničać u lubym z hetych prajektaŭ.

Miarkujučy pa tym, što Dzijana nidzie nie źjaviłasia anłajn, ciapier dziaŭčyna za kratami. Joj pahražała ad 2 da 6 hadoŭ kałonii.

Kamientary da artykuła