U minskim mietro chutka źjaviacca novyja ciahniki
Novyja sastavy zapuściać na Aŭtazavodskaj linii staličnaj padziemki.
Fota: «Mietrovahonmaš»
Na rasijskim zavodzie «Mietrovahonmaš» (Myciščy) pačałasia zborka novaj partyi vahonaŭ mietro dla Minska, paviedamlaje telehram-kanał minskaha mietrapalitena. Užo vykanana šumaizalacyja i pakładziena padłohavaje pakryćcio, ciapier rychtujecca ŭstanoŭka dźviarej, padvahonnaha elektraabstalavańnia i evakuacyjnych trapaŭ.
U adroźnieńnie ad papiaredniaj pastaŭki, novyja ciahniki buduć piacivahonnymi i zamieniać sastarełuju techniku na Aŭtazavodskaj linii. Usie jany pastupiać u elektradepo «Mahiloŭskaje».
Kantrakt na pastaŭku 20 vahonaŭ madeli «Minsk-2024» byŭ padpisany 27 lutaha 2025 hoda.
Novyja vahony buduć pieradadzieny zakazčyku ŭ listapadzie i śniežni 2025 hoda.
U 2024 hodzie stalica atrymała 28 vahonaŭ, jakija ciapier kursirujuć pa ŭčastku Zialonałužskaj linii.
Kanstrukcyju novych vahonaŭ raspracavała kampanija «TMCH-Inžynirynh» pavodle patrabavańniaŭ minskaha mietrapalitena. U vytvorčaści vykarystoŭvajucca i biełaruskija kampanienty, paviedamlaje kanał.