Tramp anansavaŭ vyzvaleńnie zakładnikaŭ u Hazie ŭ pačatku nastupnaha tydnia
Prezident ZŠA Donald Tramp paviedamiŭ, što izrailskija zakładniki, jakija znachodziacca ŭ siektary Haza, pavinny być vyzvalenyja ŭ paniadziełak abo aŭtorak. Pra heta jon zajaviŭ padčas pasiadžeńnia Kabinieta ministraŭ u Biełym domie, paviedamlaje Reuters.
Donald Tramp. Fota: Win McNamee / Getty Images
Tramp adznačyŭ, što vyzvaleńnie moža adbycca 13 abo 14 kastryčnika, i nazvaŭ hety dzień «dniom radaści».
Jon taksama vykazaŭ nadzieju, što prymie ŭdzieł u cyrymonii padpisańnia pahadnieńnia ŭ Jehipcie. Pavodle jaho słoŭ, u miežach płana siektar Hazy budzie «pastupova adnoŭleny», choć detalaŭ jon nie ŭdakładniŭ.
Jak čakajecca, paleścinski ruch CHAMAS vyzvalić 20 zakładnikaŭ praz 72 hadziny paśla pačatku pieramirja.
9 kastryčnika Tramp abviaściŭ pra padpisańnie Izrailem i CHAMASam pieršaha etapu mirnaha płana, jaki praduhledžvaje vyzvaleńnie ŭsich zakładnikaŭ i advod izrailskich vojskaŭ na ŭzhodnienuju liniju.
Raniej administracyja Trampa apublikavała padrabiaznaści hetaj inicyjatyvy.
Čytajcie taksama:
Izrail i CHAMAS padpisali damoŭlenaści ŭ miežach pieršaha etapu mirnaha płana
Tramp zaklikaŭ usich, chto ŭdzielničaje ŭ pieramovach pa Hazie, dziejničać chutka
Tramp paviedamiŭ pra zhodu Izraila na prapanavanuju im liniju advodu vojskaŭ
CHAMAS pryniaŭ asnoŭnyja pałažeńni płana Trampa i pahadziŭsia adpuścić usich zakładnikaŭ