U žychara Miadzielskaha rajona kanfiskavali 15 vintovak i 6 pistaletaŭ
U Miadzielskim rajonie supracoŭniki milicyi znajšli i kanfiskavali ŭ 47‑hadovaha miascovaha žychara 15 pnieŭmatyčnych vintovak i šeść pistaletaŭ.
Kanfiskacyja adbyłasia padčas śpiecyjalnaj apieracyi «Arsienał», jakuju pravodzić Ministerstva ŭnutranych spraŭ. Zbroju nakiravali na ekśpiertyzu, a dziejańni mužčyny aceniać z punktu hledžańnia zakona.
Raniej, 6 kastryčnika, u Mahiloŭskaj vobłaści byli zatrymanyja dva pažyłyja mužčyny: adnaho padazrajuć u prodažy pistaleta Makarava, a druhoha — u padobnaj niezakonnaj dziejnaści. Padčas pieratrusu ŭ ich znajšli niekalki pistaletaŭ, revalvier, pistalet-kulamiot, hranatu, tratyłavuju šašku i bolš za 800 patronaŭ.
Apieracyja «Arsienał» prachodzić u Biełarusi z 6 pa 10 kastryčnika. Z pačatku 2025 hoda było ŭžo kanfiskavana bolš za 480 adzinak niezarehistravanaj zbroi i kala 53 tysiač bojeprypasaŭ, a hramadzianie dobraachvotna zdali jašče zvyš 300 adzinak zbroi i kala 19 tysiač patronaŭ.