Płanujuć abjadnać biełaruskuju «Je-Pasłuhu» i rasijskija «Hosusłuhi»
10 kastryčnika dziaržaŭny sakratar «Sajuznaj dziaržavy» Siarhiej Hłaźjeŭ paśla sustrečy sa staršynioj Savieta Respubliki Natallaj Kačanavaj u Minsku raskazaŭ pra toje, jak płanujecca vyrašyć prablemy, źviazanaj ź vieryfikacyjaj SIM-kartaŭ biełaruskich hramadzian u Rasii.
Fota ilustracyjnaje
Raniej u Rasii patrabavali, kab usie inšaziemcy, u tym liku biełarusy, da 1 lipienia pierazarehistravali svaje sim-karty, zdaŭšy bijamietryčnyja danyja. Heta praviła tyčyłasia i nabyćcia novych SIM-kart. U rasijan pracedura prachodziła chutčej — jany mahli zrabić heta dystancyjna praz partał «Hosusłuhi», a ŭ biełarusaŭ takoj mahčymaści nie było. Tamu ŭtvaralisia čarhi i niazručnaści.
Pavodle słoŭ Hłaźjeva, ciapier prablemu pastupova vyrašajuć: u Maskvie i Sankt-Pieciarburhu ciapier usie šmatfunkcyjanalnyja centry adkrytyja dla biełarusaŭ, jakija mohuć padać zajaŭku na pierarehistracyju.
Taksama jon paviedamiŭ pra płany abjadnać biełaruski partał «Je-Pasłuhi» z rasijskimi «Hosusłuhami», kab abiedźvie sistemy mahli abmieńvacca infarmacyjaj. Kali heta adbudziecca, biełarusy zmohuć pierarehistravać sim-karty, nie vyjazdžajučy ź Biełarusi.