BIEŁ Ł RUS

Vyjšła kniha Siarhieja Kavalova pra biełaruskuju litaraturu z 1985 pa 2020 hod

14.10.2025 / 13:47

Nashaniva.com

U vydaviectvie Univiersiteta Maryi Kiury-Składoŭskaj (Lublin) vyjšła z druku manahrafija dramaturha i litaraturaznaŭcy Siarhieja Kavalova «Biełaruskaja litaratura pieryjadu transfarmacyi. Abrysy zamhlonaha krajavidu».

Jak tłumačyć sam aŭtar u sacsietkach, havorka ŭ pracy idzie pra litaraturu ŭ pieryjad z 1985 pa 2020 hady, piša bellit.info.

U knizie razhladajucca asobnyja žanry (paezija, proza, dramaturhija, eseistyka i krytyka), tvorčyja indyvidualnaści (Kastuś Tarasaŭ, Aleh Biembiel (Źnič), Siarhiej Dubaviec, Anatol Sys, Aleh Minkin, Vialancin Akudovič, Maks Ščur, Alhierd Bacharevič i inš.), vykarystoŭvajucca roznyja litaraturaznaŭčyja mietadałohii (daśledavańnie aŭtarskich stratehij i trajektoryj, hieapaetyka, kamparatyvistyka i inš.).

Kniha nieŭzabavie maje źjavicca ŭ prodažy na sajcie vydaviectva Wydawnictwo.umcs.eu.

Siarhiej Kavaloŭ padzialiŭsia źmiestam knihi:

Uvodziny

I. Manifiesty, prahramy, dekłaracyi

Manichvest Tutejšych i adlustravańnie idejna-estetyčnaj prahramy «Tutejšych» u aficyjnym druku

Novaja kulturnaja situacyja: idejna-estetyčnyja prahrama adrodžanaj «Našaj Nivy»

II. Paezija, proza, dramaturhija

Apostał nonkanfarmizmu: rańni pieryjad tvorčaści Źniča (Aleha Biembiela)

Karabiel u burlivym mory času: raman Kastusia Tarasava «Pahonia na Hrunvald»

Prarok — błazien — lehienda: aŭtarskaja trajektoryja Anatola Sysa

Połack — Vilnia — Maskva… Paetyčnyja i bijahrafičnyja vandroŭki Aleha Minkina

Kancept svabody ŭ sučasnaj biełaruskaj paezii (na materyjale prajektu «Radyjo Svabody» Vierš na svabodu)

Biełaruski patryjatyzm ruskamoŭnaj prozy: raman-fentezi Niki Rakicinaj «Honitva»

Tajamnica Imavierskaj Knihi: raman Maksa Ščura «Tam, dzie nas niama»

Vobraz krainy i hramadstva ŭ lusterku sučasnaj dramaturhii (na prykładzie pjes «Eksponaty» Viačasłava Durniankova, «Słava Hierojam» Paŭła Arje, «Opium» Vitalija Karalova)

III. Eseistyka, krytyka, litaraturaznaŭstva

Biełarusy ŭ Paryžy: viersija Alhierda Bachareviča

Biełaruski Sizif u lusterku času: chroniki Valancina Akudoviča

Na pamiežžy krytyki i litaraturaznaŭstva: kulturny hradyjent Hanny Kiślicynaj

Adkryvalnik novych imionaŭ: ruń Arnolda Makmilina

Bijahrafičny narys z elemientami litaraturaznaŭstva: Andrej Mielnikaŭ pra Anatola Sysa.

Čytajcie taksama:

Kamientary da artykuła