Nietańjachu: Kali CHAMAS admovicca skłaści zbroju, pačniecca sapraŭdny chaos
Premjer-ministr Izraila Bińjamin Nietańjachu zajaviŭ, što razzbrajeńnie CHAMAS źjaŭlajecca nastupnym važnym krokam u ramkach mirnaha pracesu paśla viartańnia zakładnikaŭ.
Bińjamin Nietańjachu padčas vystupu na Hienasamblei AAN 26 vieraśnia 2025 hoda. Fota: Michael M. Santiago / Getty Images
Nahadajem, što ŭ paniadziełak CHAMAS viarnuŭ 20 apošnich zakładnikaŭ, zachoplenych padčas terarystyčnaj ataki na poŭdzień Izraila 7 kastryčnika 2023 hoda, a ciapier viartaje cieły zabitych.
«Pa-pieršaje, CHAMAS pavinien skłaści zbroju, a pa-druhoje, vy pavinny pierakanacca, što ŭ Hazie niama zbrojevych zavodaŭ. U Hazu nie ŭvozicca kantrabandnaja zbroja. Heta demilitaryzacyja», — skazaŭ Nietańjachu ŭ sieradu ŭ intervju telekanału CBS.
Pavodle jaho słoŭ, kali CHAMAS admovicca vykanać hetyja ŭmovy, «pačniecca sapraŭdny chaos».