Va Ukrainie znajomyja z płanam rasijskaj vajennaj ekspłuatacyi Biełarusi

Na sustrečy z prezidentam Ukrainy Uładzimiram Zialenskim kiraŭnik zamiežnaj raźviedki Aleh Ivaščanka zrabiŭ paviedamleńnie pra apošnija źviestki, jakija ŭdałosia raskryć jahonamu viedamstvu. U pryvatnaści, Aleh Ivaščanka paviedamiŭ pra rasijski płan dalejšaj vajennaj ekspłuatacyi terytoryi Biełarusi, piša «Radyjo Svaboda».

Uładzimir Zialenski. Fota: Ebrahim Noroozi / AP

«Na ciapierašnim etapie my nie budziem publikavać infarmacyju. My papiaredzim partnioraŭ, jakim heta moža pahražać», — skazaŭ Zialenski.

Sankcyi śvietu sapraŭdy abmiažoŭvajuć mahčymaści Rasii praciahvać i pašyrać hetuju vajnu, i čym macniejšy budzie sankcyjny cisk, tym chutčej ukrainskija słužby harantujuć nadziejnuju biaśpieku, adznačyŭ Zialenski.

«Heta vyrazna paćviardžajuć zakrytyja źviestki, atrymanyja našaj raźviedkaj. Jość taksama šmat adkrytych źviestak, u pryvatnaści pra stan rasijskaj pramysłovaści, finansaŭ, rehijanalnych biudžetaŭ, jakija ŭ cełym paćviardžajuć słušnaść kursa na dalejšy cisk na Rasiju. Situacyja Pucina nie vytrymaje supraćstajańnia, u jakoje jon uvioŭ Rasieju. Siońnia my vyznačyli klučavyja śfiery našaha dalejšaha cisku. Ja daručyŭ pracavać z adpaviednymi krainami», — dadaŭ Zialenski.

Taksama jon adznačyŭ, što napiaredadni jahonaha vizitu ŭ Vašynhton i kantaktaŭ ź jeŭrapiejskimi lidarami ŭkrainski bok abmierkavaŭ klučavyja krynicy pastavak u Rasiju krytyčna važnych składnikaŭ i abstalavańnia dla vytvorčaści zbroi.

«My va Ukrainie vyrazna razumiejem, jakija pastaŭki majuć najbolšaje značeńnie dla Maskvy, i kožnaja takaja schiema pavinna być zabłakavanaja. U našych partnioraŭ jość usie mahčymaści dla hetaha», — padahulniŭ Zialenski.

Kamientary da artykuła