Kolkaść elektraaŭtamabilaŭ u Biełarusi nabližajecca da 50 tysiač

Da kanca 2025 hoda kolkaść elektramabilaŭ u Biełarusi moža dasiahnuć 50 tysiač, paviedamiŭ vice-premjer Viktar Karánkievič na panelnaj siesii forumu «Rasijski enierhietyčny tydzień».

Fota ilustracyjnaje

Pavodle słoŭ čynoŭnika, heta składzie prykładna 10% ad ahulnaha aŭtaparku krainy. Raźvićciu elektratranspartu, jak jon śćviardžaje, paspryjała budaŭnictva Biełaruskaj AES, jakoje stymulavała raźvićcio sumiežnych halin, stvareńnie tysiač pracoŭnych miescaŭ i zapusk inavacyjnych prajektaŭ u śfierach ličbavizacyi, 3D-technałohij, sistem akumulacyi enierhii i miedycyny.

Za pieršyja dzieviać miesiacaŭ 2025 hoda aficyjnyja dylery pradali 5 616 «zialonych» aŭtamabilaŭ, što ŭ 2,8 raza bolš, čym za anałahičny pieryjad minułaha hoda. Z pačatku hoda 1968 elektramabilaŭ atrymali dazvoł na ŭdzieł u darožnym ruchu (u 2024 hodzie za toj ža pieryjad — 771).

Kamientary da artykuła