Pieravozčyki raskazali, za kolki času ciapier prachodziać miažu aŭtobusy ŭ Polšču i Litvu
Ažyjataž na pajezdki ŭ Polšču i Litvu źniziŭsia, a śledam pajšli na spad i čerhi ŭ punktach propusku. Pra heta raspaviali Office Life pradstaŭniki servisu «Atłas bas».
Čerhaŭ nie nazirajuć navat u punkcie propusku «Brest» na biełaruska-polskaj miažy, dzie niadaŭna jany mahli raściahvacca da sotni aŭtobusaŭ. Pa stanie na 12:00 pierachodzie byŭ adzin aŭtobus.
Pavodle danych pieravozčykaŭ, ad pasadki ŭ Minsku, naprykład, da prybyćcia ŭ Varšavu prachodzić maksimum 15 hadzin. Samo ž prachodžańnie biełaruska-polskaj miažy adbiraje 5—6 hadzin.
Na litoŭskim napramku aŭtobusy ruchajucca dakładna pavodle raskładu. Prachodžańnie miažy ŭ pasažyraŭ aŭtobusaŭ zajmaje ŭ siarednim 1—2 hadziny.