U Minsku pačaŭsia fiestyval šansonu. Niaviestka Łukašenki pryviezła Šufucinskaha
17‑18 kastryčnika ŭ minskim Pałacy sportu prachodzić «Dušeŭny fiestyval». Učora na pieršym kancercie arhanizatary sabrali bolšuju častku zali — niahledziačy na toje, što kvitki pradavalisia pa 74‑229 rubloŭ. Čym zabaŭlali?
Bolšaja častka zały była zaniata. Fota: sb.by
«Dušeŭny fiestyval» prachodzić u Minsku nie ŭpieršyniu — letaś na im sabrali poŭnuju zału ŭ Pałacy sportu.
Letašniaje vystupleńnie na fiestyvali
Arhanizatar fiestyvalu — «Dušeŭnaje radyjo». Hetu radyjostancyju zapuściła kampanija «Muzyčnaja častata», źviazanaja ź niaviestkaj Łukašenki Hannaj Siałuk. Učora, darečy, pačała viaščać jašče adna jaje radyjostancyja — «Radyjo Šanson».
Kancert «Lubimy šanson» u miežach «Dušeŭnaha fiestyvalu»
U pieršy dzień chedłajnieram fiestyvalu byŭ rasijski šanson-vykanaŭca Michaił Šufucinski — viadomy pa miemnym chicie pra 3 vieraśnia.
Michaił Šafucinski na «Dušeŭnym fiestyvali». Fota: BiełTA
Vystupili taksama Hierman Citoŭ, Alaksiej Piatruchin, Afina, hrupy «BumieR», «Roždiestvo».
Śpiavak Hierman Citoŭ. Fota: sb.by
Na viečar 18 kastryčnika zapłanavanyja śpievy «Buranaŭskich babul». U kancercie siarod inšych budzie ŭdzielničać Alaksandra Mielech — heta jana praśpiavała pieśniu «Ach, Alaksandr» u honar Łukašenki.
Biełaruskija artysty na «Dušeŭnym fiestyvali» tradycyjna ŭ mienšaści: z 22 zajaŭlenych na sajcie prahram tolki dzieviać nie z Rasii.
Skrynšot: dushevnyj-fest.by
Zrešty, prava raspačać pieršy kancert «Lubimy šanson» dastałasia biełarusu Vitalu Hardzieju. Viadučaj hetaha kancerta była biełaruskaja śpiavačka Viktoryja Aleška, razam ź Juryjem Carovym i Alaksandram Miažannym.
Publika na «Dušeŭnym fiestyvali». Fota: BiełTA
Fota: BiełTA
Fota: sb.by
Fota: BiełTA
Kancert całkam płanujuć pakazać pa dziaržaŭnym telebačańni praz tydzień, 25 kastryčnika.
Reakcyi na pieršy kancert fiestyvalu