Siońnia i zaŭtra ŭ Minsku buduć pracavać sielskahaspadarčyja kirmašy
Sielskahaspadarčyja kirmašy, dzie možna budzie zakupicca harodninaj i praduktami, projduć 18 i 19 kastryčnika ŭ Minsku. Centram pryciahnieńnia stanie handlovaja placoŭka la Pałaca sportu, pišuć Minsk-Naviny.
Jana budzie pracavać z 8:00 da 16:00.
Paralelna nie mienš maštabny handal razhorniecca na placoŭcy la spartkompleksu «Čyžoŭka-Arena» na vuł. Taškienckaj, 19.
Tradycyjna buduć pradstaŭleny harodnina, pradukcyja pradpryjemstvaŭ Biełkaapsajuza, fiermierskija tavary, u tym liku małočnyja pradukty, kaŭbasy, vendžanina, miasnyja vyraby, sała, chatnija saleńni, miod, a taksama kvietki, rasada i sadžancy.
Akramia dźviuch centralnych łakacyj, dla zručnaści haradžan buduć pracavać i inšyja punkty prodažu. Heta dazvolić žycharam usich rajonaŭ horada bieź lišnich vydatkaŭ času nazapasicca śviežaj sielhaspradukcyjaj.
- Zavodski rajon: vuł. Nieścierava, 49 (aŭtastajanka HC «Simaks»), z 10:00 da 16:00;
- Leninski rajon: pr. Rakasoŭskaha, 114 (aŭtamabilnaja parkoŭka), z 10:00 da 16:00;
- Maskoŭski rajon: vuł. Ja. Bryla (kala doma № 5), z 10:00 da 17:00;
- Kastryčnicki rajon: vuł. Čkałava, 7, vuł. Baramzinoj, 10a, z 10:00 da 16:00;
- Partyzanski rajon: buł. Traktarabudaŭnikoŭ, z 10:00 da 16:00;
- Pieršamajski rajon: vuł. Rusijanava, 1, z 10:00 da 17:00;
- Saviecki rajon: park Družby narodaŭ, z 10:00 da 16:00;
- Frunzienski rajon: vuł. Prytyckaha, 27 (placoŭka la Ladovaha pałaca sportu Minskaj vobłaści), z 10:00 da 16:00;
- Centralny rajon: vuł. Kachoŭskaja, 31 (kala kinateatra «Kijeŭ»), z 10:00 da 16:00.
Akramia hetaha, u horadzie štodnia pracujuć kala 100 stacyjanarnych łakacyj pa prodažy sielskahaspadarčaj pradukcyi.