Nikala Sarkazi budzie adbyvać pakarańnie ŭ adzinočnaj kamiery
Były prezident Francyi Nikala Sarkazi, asudžany da realnaha turemnaha terminu pa spravie ab niezakonnym finansavańni jaho vybarčaj kampanii, pačnie adbyvać pakarańnie ŭ adzinočnaj kamiery turmy Sante. Pra heta paviedamiŭ telekanał BFM TV sa spasyłkaj na svaje krynicy.
Nikala Sarkazi. Fota: Ludovic Marin / AP
Sarkazi pačnie adbyvać pakarańnie z 21 kastryčnika.
Telekanał adznačaje, što ŭ turmie Sante isnuje śpiecyjalnaje adździaleńnie dla ŭraźlivych asob. Tearetyčna 70‑hadovy Sarkazi moh by trapić tudy z-za svajho ŭzrostu i viadomaści, ale było pryniata rašeńnie adpravić jaho ŭ izalatar.
25 vieraśnia paryžski kryminalny sud prysudziŭ Nikala Sarkazi da piaci hadoŭ pazbaŭleńnia voli pa spravie ab niezakonnym finansavańni jaho vybarčaj kampanii režymam Muamara Kadafi. Sarkazi staŭ pieršym byłym prezidentam Francyi, jaki atrymaŭ realny turemny termin.