Cierciel skazaŭ, što viadziecca praca, kab arhanizavać razmovu Łukašenki ź Zialenskim
Pa słovach staršyni KDB, «šmat što zaležyć ad ukrainskaha boku».
Ivan Cierciel
Staršynia KDB Ivan Cierciel u efiry «Biełaruś 1» vykazaŭsia pra toje, ci viadziecca praca pa arhanizacyi razmovy Łukašenki ź Zialenskim.
«U hetaj situacyi nieabchodna znajści kansensus. Hetaja praca taksama viadziecca. Viadoma, tut šmat zaležyć ad ukrainskaha boku», — skazaŭ jon.
Cierciel dadaŭ, što Łukašenka «pracuje na toje, kab stabilizavać situacyju ŭ rehijonie». A sam staršynia KDB pierakanany, što «tolki šlacham cichich, spakojnych pieramoŭ, pošuku kampramisu možna ŭładzić hetuju situacyju».
U vieraśni Łukašenka skazaŭ, što chacieŭ by sustrecca ź Zialenskim.
Zialenski na tuju prapanovu adkazaŭ, što Łukašenka «žyvie ŭ svaim śviecie»:
«Mnie składana reahavać na toje, što kaža Łukašenka. Jon žyvie ŭ svaim śviecie, jaki jon pabudavaŭ, izalavaŭ siabie i žyvie tam try dziesiacihodździ. Ale hety dom, jaki jon pabudavaŭ, maje pamier z krainu. Ale ja chaču jamu nahadać, što jaho kraina — niezaležnaja. Jon žyvie ŭ svaim śviecie, ale časam u hety śviet pryjazdžaje Pucin. Jany pra niešta bałbočuć, dva davoli pažyłyja čałavieki. Chaj havorać».