Lidary Jeŭropy padtrymali ideju Trampa, što linija frontu pavinna być adpraŭnoj kropkaj dla pieramovaŭ Ukrainy i Rasii
Jeŭrapiejskija lidary padtrymali prapanovu Trampa pra toje, što linija frontu «pavinna stać adpraŭnym punktam dla pieramovaŭ» pamiž RF i Ukrainaj Pra heta havorycca ŭ zajavie prezidenta Ukrainy Uładzimira Zialenskaha i jeŭrapiejskich lidaraŭ.
Linija fronta pa stanie na 17 kastryčnika 2025 hoda. Ukraine.liveuamap.com
«My rašuča padtrymlivajem pazicyju prezidenta Trampa ab nieabchodnaści nieadkładnaha spynieńnia bajavych dziejańniaŭ i pra toje, što ciapierašniaja linija sudakranańnia pavinna stać adpraŭnoj kropkaj pieramovaŭ. My, jak i raniej, prychilnyja pryncypu niedapuščalnaści źmieny mižnarodnych miežaŭ siłaj», — adznačajecca ŭ zajavie.
U zajavie havorycca, što taktyka RF pa zaciahvańni pieramovaŭ «raz za razam pakazvaje, što Ukraina — adziny bok, surjozna nastrojeny na mir».
Jeŭrapiejskija lidary taksama zajavili, što raspracoŭvajuć miery pa vykarystańni zamarožanych rasijskich aktyvaŭ, kab Ukraina «atrymała nieabchodnyja resursy».