Čynoŭniki znajšli parušeńni ŭ školnych stałovych
Paśla narady, na jakoj Łukašenka vykazaŭsia pra jakaść charčavańnia ŭ školnych stałovych, čynoŭniki adčytalisia ab vialikaj praviercy va ŭstanovach.
Školnaja stałovaja. Fota: «Minsk-Naviny»
Kamitet dziaržaŭnaha kantrolu zaŭvažyŭ u školnych stałovych krainy «šmatlikija fakty parušeńnia technałohii pryhatavańnia straŭ», pieradaje BiełTa.
Naprykład, u mahiloŭskaj škole pry padrychtoŭcy bitočkaŭ kurynych zamiest praduhledžanych 14,5 kh miasa ptuški vykarystoŭvali na 3,5 kh mienš.
Taksama čynoŭniki zaŭvažyli, što rabotniki stałovych vynosiać pradukty sa škoły.
«U charčbłoku siaredniaj škoły Salihorska padčas manitorynhu vyjaŭlenyja schavanyja ŭ šafach, stałach i pad śpiecvopratkaj rabotnikaŭ pački z mukoj, cukram, 12 litraŭ soku. Pa-raniejšamu značnaja častka pryhatavanych straŭ nakiroŭvajecca ŭ adchody. U asobnych vypadkach navučency nie źjadajuć da 40% pryhatavanaj ježy», — adznačyła namieśnica načalnika adździeła kantrolu.
U niekatorych školnych stałovych zachoŭvalisia praterminavanyja pradukty.
Čytajcie taksama:
Łukašenka ŭziaŭsia za školnyja abiedy i prydumaŭ, što rabić z adkidami ŭ stałoŭkach