Brakańjer zastreliŭ miadźviedziania, jamu pahražaje vialiki štraf i aryšt
U Biešankovickim rajonie zavieršana rasśledavańnie kryminalnaj spravy ab niezakonnym palavańni, u vyniku jakoha byŭ zabity zaniesieny ŭ Čyrvonuju knihu bury miadźviedź, paviedamlaje SK.
U mai miascovaja žycharka paviedamiła ŭ inśpiekcyju pryrodnych resursaŭ pra znojdzienuju na ŭzbočynie darohi tušku miedźviedzianiaci. Śledča-apieratyŭnaja hrupa chutka ŭstanaviła datyčnaść da złačynstva 29‑hadovaha žychara Viciebska.
Śledstva vyśvietliła, što mužčyna viasnoj taho samaha hoda, vykarystoŭvajučy karabin ź ciepłavizaram, niezakonna zastreliŭ miadźviedzia, jaki nie adnosicca da palaŭničych vidaŭ. Ekołahi acanili škodu, naniesienuju navakolnamu asiarodździu, bolš čym u 50 tysiač rubloŭ.
Brakańjeru vystaŭlena abvinavačańnie pa č. 4 art. 282 KK — niezakonnaje palavańnie, jakoje paciahnuła pryčynieńnie škody ŭ asabliva bujnym pamiery. Jamu pahražaje da šaści hadoŭ pazbaŭleńnia voli i štraf.