Narviežskaja raźviedka: «Buravieśnik» zapuścili z Novaj Ziamli
Narviežskaja vajskovaja raźviedka paviedamiła ŭ paniadziełak, što vyprabavańnie rasijskaj kryłataj rakiety vialikaj dalnaści «Buravieśnik» ź jadziernaj enierhietyčnaj ustanoŭkaj na minułym tydni było praviedziena z archipiełaha Novaja Ziamla ŭ Barancavym mory, piša Reuters.
Wikimedia Commons
Ab vyprabavańni «Buravieśnika» Kreml paviedamiŭ ranicaj u niadzielu, apublikavaŭšy videa z prezidentam i načalnikam rasijskaha Hienštaba Valeryjem Hierasimavym.
— Takoje vyprabavańnie było praviedziena 21 kastryčnika. Sapraŭdy, jaho adroźnieńnie ad papiarednich vyprabavańniaŭ [u tym], što byŭ ažyćcioŭleny šmathadzinny palot rakiety, u chodzie jakoha jana pieraadoleła adlehłaść 14 tysiač kiłamietraŭ, i heta nie miaža, — dakładvaŭ Hierasimaŭ.
Miesca zapusku jon nie ŭdakładniaŭ.