U Puchavickim rajonie šaścihadovaje dzicia žyło ŭ antysanitarnych umovach
Dzicia znachodziłasia ŭ niebiaśpiečnych dla jaho žyćcia ŭmovach. U domie adsutničali srodki hihijeny i navat aciapleńnie, a sami pamiaškańni byli zavaleny chłamam.
U vieraśni supracoŭniki ŭstanovy adukacyi praviali abśledavańnie ŭmoŭ žyćcia dziaciej. Voś što jany vyjavili ŭ adnoj ź siemjaŭ.
«Členy kamisii zafiksavali pražyvańnie 6‑hadovaha dziciaci ŭ antysanitarnych umovach i niebiaśpiečnaj dla jaho žyćcia abstanoŭcy. U domie adsutničała aciapleńnie, pieč była ŭ razabranym stanie, pamiaškańni byli zachłamleny, adsutničali srodki asabistaj hihijeny», — raskazali ŭ viedamstvie.
Niahledziačy na pahrozu žyćciu i zdaroŭju chłopčyka, usio abmiežavałasia arhanizacyjaj sacyjalnaha rasśledavańnia. Paźniej užo pa patrabavańni prakuratury było praviedziena pazapłanavaje pasiadžeńnie kamisii pa spravach niepaŭnaletnich. U vyniku chłopčyka pryznali tym, chto maje patrebu ŭ abaronie, adabrali ŭ maci i źmiaścili na dziaržaŭnaje zabieśpiačeńnie.