Staŭ viadomy prysud palitźniavolenamu fatohrafu z Mazyra. Vidać, jon paciarpieŭ pa spravie Hajuna
Pravaabaroncy atrymali infarmacyju pra prysud palitviaźniu z Mazyra, fatohrafu Alaksieju Kajdašu, jaki znachodzicca za kratami ź lutaha hetaha hoda. Jak paviedamlaje «Homielskaja viasna», sud pryznaŭ jaho vinavatym pa artykule 361‑4 Kryminalnaha kodeksa — «sadziejničańnie ekstremisckaj dziejnaści», prysudziŭšy try hady pazbaŭleńnia voli ŭ kałonii ŭzmocnienaha režymu.
Alaksiej Kajdaš
Alaksieja Kajdaša zatrymali ŭ lutym 2025 hoda i spačatku pakarali 15 sutkami administracyjnaha aryštu za nibyta raspaŭsiud «ekstremisckich materyjałaŭ» (č. 2 art. 19.11 KaAP). Adnak paśla zakančeńnia terminu jaho nie vyzvalili — suprać jaho raspačali kryminalnuju spravu, paśla čaho mužčyna byŭ pieraviedzieny ŭ SIZA №3 u Homieli, dzie, jak miarkujecca, utrymlivajecca dahetul.
19 maja biełaruskija pravaabaroncy pryznali Alaksieja Kajdaša palityčnym źniavolenym.
Da aryštu jon pracavaŭ prafiesijnym fatohrafam u Mazyry, rabiŭ viasielnyja, dziciačyja i partretnyja fota, a taksama kamiercyjnyja zdymki dla katałohaŭ i mieniu.
Padrabiaznaści abvinavačvańnia pakul nieviadomyja, ale, pa mierkavańni pravaabaroncaŭ, isnuje vierahodnaść, što Kajdaša represavali ŭ suviazi sa «spravaj Biełaruskaha Hajuna» — prajekta, jaki manitoryŭ pieramiaščeńni rasijskich vojskaŭ na terytoryi Biełarusi paśla pačatku vajny Rasii suprać Ukrainy.
Čytajcie taksama:
Pasadzili padpałkoŭnika i byłoha vykładčyka Vajskovaj akademii. Jon padtrymaŭ narod u 2020-m